निजलीस का रेणुके!
निजलीस कां रेणुके ! ।।धृ।।
माझ्या आयुष्याची लूट । काळे केली सांगू कुठ ।
नको जाऊ झोपी उठ । मुळपीठ नायके ।।निज।।१।।
मनाजी हा आत्मद्रोही । घर भेदील कां डोही ।
याचे कर्म तुज बाई । का नाही ठाऊके ।।निज।।२।।
कामक्रोधादिक सहा । शत्रू चंड मुंड महा ।
सिंहारूढ होउनि पहा । जय महाकालिके ।।निज।।३।।
अनाथांचा प्रतीपक्ष । धरूनिया मज रक्ष ।
नीज ब्रिदाकडे लक्ष । दे मोक्षदायके ।।निज।।४।।
अपराधी मी वरिष्ठ । कृपा करणे तुज इष्ट ।
विष्णुदास एकनिष्ठ । म्हणे गोष्ट आयके ।।निज।।५।।
—–00000—–
Discover more from Blissful Life
Subscribe to get the latest posts sent to your email.