Ustad Zakir Hussain

ज्येष्ठ तबलावादक आणि शास्त्रीय संगीतकार झाकीर हुसेन यांचं निधन झालं आहे. वयाच्या ७३व्या त्यांनी अखेरचा श्वास घेतला. झाकीर हुसेन यांची प्रकृती अचानक बिघडल्याने त्यांना रुग्णालयात दाखल करण्यात आलं होतं. त्यांच्यावर सॅन फ्रान्सिस्कोमधील रुग्णालयात उपचार सुरू होते. त्यांची प्रकृती खालावल्याने त्यांना आयसीयूमध्ये दाखल करण्यात आलं होतं. मात्र उपचारादरम्यान त्यांची प्राणज्योत मालवली.

झाकीर हुसेन यांना हृदयविकार होता. गेल्या आठवड्यातही त्यांना रुग्णालयात दाखल करण्यात आलं होतं. १५ डिसेंबर रोजी पुन्हा त्यांची तब्येत बिघडली. त्यांची प्रकृती चिंताजनक होती. मात्र उपचारादरम्यान त्यांनी सॅन फ्रान्सिस्कोमध्ये अखेरचा श्वास घेतला.

अभिनेतेही होते झाकीर हुसेन

शास्त्रीय संगीतकार, तबलावादक असलेले झाकीर हुसेन अभिनेतेही होते. तीन वेळा ग्रॅमी अवॉर्ड जिंकलेल्या झाकीर हुसेन यांनी १२ सिनेमात काम केलं होतं. त्यांनी १९८३ मध्ये आलेल्या हीट अँड डस्ट या ब्रिटिश सिनेमात शशि कपूर यांच्यासोबत काम केलं होतं. हा त्यांचा डेब्यू सिनेमा होता.

झाकीर हुसेन यांचे वडिलही होते तबलावादक

९ मार्च १९५१ मध्ये झाकीर यांचा जन्म झाला होता. त्यांना त्यांच्या करिअरमध्ये तीन ग्रॅमी अवॉर्डसह पद्मश्री, पद्मभूषण आणि पद्मविभूषण या मानाच्या पुरस्कारांनीही सन्मानित करण्यात आलं होतं.

त्यांचे वडील उस्ताद अल्लाह रक्खा कुरेशी हेदेखील तबलावादक होते. वडिलांच्या पावलावर पाऊल टाकत झाकीर यांनीही शिक्षण पूर्ण केल्यानंतर संगीत क्षेत्रात पदार्पण केलं.

वयाच्या ११व्या केलेला पहिलं कॉन्सर्ट

झाकीर हुसेन यांनी वयाच्या अवघ्या ११व्या वर्षी अमेरिकेत त्यांचा पहिला कॉन्सर्ट केला होता. त्यांच्या त्या परफॉर्मेन्सने सर्वांनाच हैराण केलं होतं. त्यांनी पुढे वयाच्या १२व्या वर्षापासून त्यांच्या वडिलांसोबत कॉन्सर्टला जाण्यास सुरुवात केली होती.

२०१६ मध्ये झाकीर यांना माजी राष्ट्रपदी बराक ओबामा यांनी ऑल स्टार ग्लोबल कॉन्सर्टमध्ये भाग घेण्यासाठी आमंत्रित केलं होतं. या कार्यक्रमात सहभागी होणारे ते पहिले भारतीय संगीतकार ठरले.

झाकीर हुसेन यांचं कुटुंब

उस्ताद झाकीर हुसेन यांनी Antonia Minnecola यांच्याशी 1978 साली लग्न केलं होतं. त्या कथ्थक डान्सर होत्या. तसंच कथ्थक शिक्षिकाही होत्या. तसंच त्या झाकीर यांच्या मॅनेजर म्हणूनही काम पाहत होत्या. झाकीर यांना दोन मुली आहेत.