Motivational- The Law of the Seed

माझी नात सौम्या हिने तिचे यू ट्यूब चॅनेल Saumyas Corner सुरू करून आता 2 वर्षांपेक्षा जास्त झाले. या कालावधीत, तिने तिच्या आईच्या मदतीने आतापर्यंत 75 videos टाकले आहेत. त्यातील ‘संध्याकाळचे श्लोक’ हा तिचा व व्हिडिओ खूप जणांनी पाहिला आणि आतापर्यंत त्याचे 1 लाख views झाले आहेत. तसेच दूसरा एक व्हिडिओ ‘गणपतीचे श्लोक आणि स्तोत्र’ हा व्हिडिओही 6.2k वेळेला पाहिला गेला आहे. तसेच आजपर्यंत तिच्या चॅनेलचे 497 subscribers झाले आहेत. 500 subscribers चा टप्पा गाठायला फक्त 3 कमी! तिने टाकलेल्या व्हीडिओज मध्ये मुख्यतः

श्लोक, स्तोत्रे, व इतर,
भगवद्गीता अध्याय
माझ्या आवाजातील गाणी
My drawing
Art and Craft
Games
My dance videos

इत्यादींचा समावेश आहे.

नुकतेच तिने “Science Experiments with Saumya”, “I got selected for the final round of dance competition”,

“ ये ग ये ग रखुमाई Song with lyrics” इत्यादि व्हीडिओज तसेच पुण्याच्या पावसात “ए आई, मला पावसात जाऊ दे” इत्यादि short videos टाकले आहेत. ते अवश्य पाहण्यासारखे झाले आहेत. तसेच पुण्यातील (पिंपरी चिंचवड) येथील एका सुप्रसिद्ध गार्डन मध्ये dinosaur सोबत काढलेला व्हिडिओ हे बघण्यासारखे झाले आहेत.

सौम्याचे व्हीडिओज पाहण्यासाठी तिच्या चॅनेल ला खाली दिलेल्या लिंकवर जाऊन, बघू शकता, आणि Subscribe चे बटन दाबून Subscribe करून तिला 500 चा टप्पा पार करायला मदत करू शकता.

Saumyas Corner

वरील सर्व व्हीडिओजच्या लिंक्सला क्लिक करून वरील व्हीडिओज आणि shorts बघू शकता.

प्रत्यय निरूपण

Guest Article by Shri Pandurang Deshpande

प्रत्यय निरूपण

खालील लेख हा विशेषेकरून श्री समर्थ रामदास स्वामींचा दासबोध ग्रंथ ज्यांनी वाचला आहे, अभ्यास केला आहे, अशा साधकांसाठी आहे. नुसते वाचून, अभ्यास करून काही होत नाही, तर प्रत्यक्ष अनुभव हेच परमार्थाचे उद्दिष्ट आहे, हे या लेखात सांगितले आहे.

दासबोधामध्ये समर्थांनी मानवी जीवनातील भौतिक व आध्यात्मिक पातळीवरील विविध विषयांचा सर्वस्पर्शी विशालपट सविस्तरपणे उलगडला आहे.

पूर्वार्धात समर्थांनी प्रपंच अपूर्ण व दुःखाने भरलेला असून आत्मज्ञान म्हणजेच खरे देवदर्शन असे सांगून मानवी बुद्धीला दृष्याकडून दृश्य निरसनाकडे , स्थूलाकडून सूक्ष्माकडे नेण्याचा मार्ग दाखविला आहे. सत्संगतीत आत्म्याविषयी सतत श्रवण,मनन व निदिध्यास करायला सांगितले आहे. गुरु करायला व त्याचा उपदेश जीवनात आचरणात आणून त्याच्या कृपेला पात्र होण्यास सांगितले आहे.

प्रत्यय किंवा प्रचिती यांनी येणारे ज्ञान हेच खरे असे दासबोधाच्या पूर्वार्धात शेवटी शेवटी म्हणजे नवव्या दशका पासून सांगायला समर्थ सुरुवात करतात. त्याआधी ते मायाब्रह्म निरूपण,दृश्यनिरसन,अनुमान निरसन,संदेहवारण, विकल्पनिरसन आणि भ्रमनिरुपण आदि संकल्पनातून श्रोत्याला, अनुमानाचे किंवा केवल पुस्तकाचे ज्ञान खोटे आहे असे दाखवून तिथून पुढे प्रचितीच्या वा प्रत्ययाच्या भूमिकेवर आणतात.

त्यांची प्रचिती व प्रत्यय याविषयी जगज्योति दशक (समास ८), विवेकवैराग्य दशक (समास २) नामरूप दशक(समास ७) ही तीन स्वतंत्र प्रकरणे आपण वाचतोच.

भौतिक जीवनाचा संदर्भ घेऊन प्रकरणांचे शेवटी प्रत्यय हीच परमार्थातील अंतिम ज्ञानाची कसोटी आहे असे ते पटवून देतात.

पूर्वार्धातील आत्मवस्तुचा सिद्धांत व्यावहारिक आणि पारमार्थिक जीवनात कसा आचरणात आणायचा हे समर्थ उत्तरार्धात सांगतात. संबंध दासबोध हा केवळ प्रचिती व प्रत्ययज्ञानाचा म्हणजेच अपरोक्षज्ञानाचा आदर्श ग्रंथच आहे. परमार्थाला वैराग्यासह विवेकाची जोड अत्यंत आवश्यक आहे हे ते वारंवार सांगतात.तसेच ज्या विवेकाने आत्मानात्म विचार करायचा तो सुद्धा प्रत्ययाच्या म्हणजेच स्वानुभवाच्या पायावर आधारलेला असावा,नाहीतर विवेक केवळ कल्पनारूप उरतो.

त्यांनी प्रत्ययाच्या अनेक ओव्या दासबोधात ठिकठिकाणी लिहिल्या आहेत

अनुमान निर्शन -पिंडब्रह्माण्डाविषयी –

येथे प्रचित हे प्रमाण ।ना लगे शास्त्राचा अनुमान | अथवा शास्त्री तरी पाहोन ।प्रत्ययो आणावा ।।(९-५-१४)

जितुके अनुमानाचे बोलणे ।तितुके वमनत्यागें टाकणे ।निश्चयात्मक बोलणे ।प्रत्ययाचे ।।(९-५-३९)

सगुणभजन निरूपण नाम —

म्हणौन सगुण भजन ।वरी विशेष ब्रह्मज्ञान ।प्रत्ययाचे समाधान ।दुर्लभ जगी ।।(१०-७-३१)

नाना व्रते नाना दाने ।नाना योग तीर्थाटणें ।सर्वांहूनि कोटिगुणें ।महिमा आत्मज्ञानाचा ।।(१०-१०-६४)

या प्रचितीच्या गोष्टी ।प्रचित पाहावी आत्मदृष्टी ।प्रचितीवेगळे कष्टी।होवोची नये ।।(१०-१०-६७)

प्रत्यय निरूपण –

बरे करीत बरे होते ।हें तों प्रत्ययास येते ।आता पुढे सांगावे ते। कोणास काये ।।(१२-२-२८)

विवेक वैराग्य –

प्रखर वैराग्य उदासीन ।प्रत्ययाचे ब्रह्मज्ञान ।स्नानसंध्या भगवद्भजन| ।पुण्यमार्ग ।।(१२-४-१८)

सृष्टिनिरूपण नाम-

पुस्तकज्ञाने निश्चय धरणे ।तरी गुरु कासया करणे ।या कारणे विवरणे ।आपुल्या प्रत्यये ।।(१२-७-६)

उभारणी निरूपणनाम –

नवे अनुमानाचे बोलणे ।याचा बरा प्रत्यये घेणे ।वेदशास्त्र पुराणें ।प्रत्यये घ्यावी ।।(१३-३-१७)

जे आपल्या प्रत्यया येना ।ते अनुमानिक घ्यावे ना ।प्रत्ययाविण सकळ जना ।वेवसाय नाही ।।(१३-३-१८)

कर्ता निरूपण नाम –

बरे पाहता प्रत्यये आला| तरी का करावा गलबला ।प्रचित आलीयां आपणाला ।अंतर्यामी||(१३-८-३६)

अखंड ध्यान नाम-

खोटे अवघेंच सांडावे| खरे प्रत्यये वोळखावें ।मायात्यागें समजावे|परब्रह्म ।।(१४-१०-९)

आत्मदशक –शाश्वतब्रह्म निरूपण

लोकांचे बोली लागला|तो अनुमानेची बुडाला ।या कारणे प्रत्ययाला|पाहिलेच पाहावे||(१५-४-३१)

सप्ततीन्वय –

पिंडावरून ब्रह्माण्ड पाहावे| प्रचितीने प्रचीतीस घ्यावे|उमजेना तरी उमजावे|विवर विवरो ।।(१६-७-४१)

आणि शेवटी —

पूर्णदशक-सूक्ष्मनामाभिधान –

उदंड हुडकावे संत ।सांपडे प्रचितीचा महंत ।प्रचितीविण स्वहित । होणार नाही ।।(२०-३-२७)

प्रपंच अथवा परमार्थ ।प्रचितीविण अवघे वेर्थ ।प्रत्येयज्ञानी तो समर्थ ।सकळांमध्ये||(२०-३-२८)

शुद्ध सार श्रवण।शुद्ध प्रत्ययाचे मनन ।विज्ञान पावतां उन्मन | सहजचि होते|| (२०-१०-२५)

ग्रंथाचे करावे स्तवन|स्तवनाचे काय प्रयोजन| येथे प्रत्ययास कारण ।प्रत्ययो पाहावा ।।(२०-१०-३३)

याशिवायही अनेक ओव्या आहेत. या ओव्यांचे अर्थ स्पष्ट आहेत.

प्रपंचातील घटना ,वस्तू अनुभव इंद्रियगोचर असतात प्रपंचातील ज्ञान पडताळ्याने लगेच तपासात येतो. परंतु परमार्थातील घटना, आत्मवस्तु व अनुभव हे सर्व अतींद्रिय असतात. पडताळ्यासाठी इतर सिध्दसाधकांचा अनुभव तेथे कामास नाही. एवढेच काय पण सद्गुरूंचा अनुभव सुद्धा आपल्या समाधानास पुरा पडत नाही. तेथे फक्त स्वयंसाधनेने आलेला स्वानुभवच ज्ञानाच्या खरेपणाबद्दल निश्चयवृत्ती करतो … स.भ.प.पु. बेलसरे महाराज सांगतात की प्रचितीचा दृष्टिकोन हा प्रपंच आणि परमार्थात मूलभूत आहे..पण परमार्थात प्रचिती येणे (आत्मसाक्षात्कार होणे )म्हणजे काय साधते हे सांगणे अवश्य असते..मुंडक उपनिषदामध्ये दुसऱ्या अध्यायात असा मंत्र आहे–

“भिंद्यन्ते हृदयग्रंथी: छिन्द्यन्ते सर्व संशया:।क्षीयंते चास्य कर्माणि तस्मिन्द्रष्टी परावरे ।।”

-सर्वत्र समानपणे व्यापून असलेल्या ब्रह्माचे दर्शन झाले की हृदयात वास करणारी अविद्या आणि तिच्यापासून उत्पन्न होणार वासनासमुदाय नष्ट पावतो. मनातील संदेह नष्ट पावतात..प्रत्ययामुळे निश्चळ आत्मनिवेदन होते..पापखंडन होऊन कर्मक्षय होतो.माणसाचा जन्म मरणाचा फेरा होणे थांबते.

म्हणून समर्थ म्हणतात की ..

पापाची खंडना जाली ।जन्मयातना चुकली । ऐसी स्वयें प्रचित आली । म्हणिजे बरें ।।(१०-८-२१ ते २३)

परमेश्वरास ओळखिलें ।आपण कोणसे कळले| आत्मनिवेदन जाले । म्हणजे बरें ।।

ब्रह्माण्ड कोणे केले| कासयाचे उभारलें | मुख्य कर्त्यास ओळखिले । म्हणिजे बरें| ।।

जय जय रघुवीर समर्थ ।

-पांडुरंग देशपांडे

लेखक- श्री पांडुरंग देशपांडे.

लेखक हे Textile Process Advisor and consultant असून मुंबई येथील UDCT मधून Textile Engineer झालेले आहेत. व्यवसायानिमित्त भारतभर भ्रमण केले आहे. आणि अध्यात्माची आवड असल्याने संत वाङमयाचे अभ्यासक आहेत.

Learning journey-4

Life is a learning journey. जीवन म्हणजे एक सतत शिकण्याचा प्रवास आहे. आपल्याला आपल्या जीवनात अनेक माणसे भेटतात. अनेकांशी कामानिमित्ताने अगदी जवळचा संबंध येतो. खरे तर आपल्या घरच्या लोकांपेक्षाही आपण जिथे काम करतो तिथल्या आपल्या सहकाऱ्यांसोबत आपण जास्त वेळ असतो.

दत्तात्रेयाने जसे 24 गुरू केले होते, आणि प्रत्येकाकडून काही ना काही गुण घेतले होते तसे प्रत्येकामध्ये काही काही गुण प्रकर्षाने दिसून येतात. ते आत्मसात करता आले तर खूप चांगले. नाही आले तरी आपल्याला एक बेंचमार्क बघायला मिळतो आणि काही प्रमाणात का होईना, ते गुण कळत नकळत आपल्यात येतात.

यापूर्वी अशा काही व्यक्तींविषयी लिहिले. आज अजून काही सहकाऱ्यांबद्दल लिहायचा विचार आहे.

श्री सुभाष व्यवहारे

एखाद्या माणसाची कामाप्रति निष्ठा कशी असावी, याचे चालते बोलते उदाहरण म्हणजे सुभाष व्यवहारे. मी पाथरी कृषि विकास शाखेला असतांना सुभाष व्यवहारे तिथे दफ्तरी म्हणून होते. अगदी टाप टीप राहणी, कपडे नेहमी नीट नेटके, आणि बँकेचा पांढरा गणवेश नेहमी न चुकता घालून येत, आणि वेळेच्या आधी नेहमी बँकेत हजर. बोलणे नेहमी अदबशीर. कधीही न सांगता सुट्टी घेत नसत. खूप आधी पूर्वकल्पना देऊन, आवश्यक असेल तेंव्हाच सुट्टी घेत. सुभाष व्यवहारेचा सगळ्यात मोठा गुण म्हणजे रेकॉर्ड ठेवण्याची त्यांची पद्धत. बँकेचे अनेक वर्षांचे रेकॉर्ड, ज्याच्यात रोजच्या व्हाऊचरपासून, ते मागील पूर्ण पत्रव्यवहार, बँकेचे असंख्य सर्क्युलर्स, वेगवेगळ्या विषयांच्या फाइली, या सर्व गोष्टींचा समावेश असे. या बाबतीत सुभाष व्यवहारेने तिथे आल्यावर, मागील सर्व सर्क्युलर्स, विषयाप्रमाणे आणि वर्षाप्रमाणे नीट लावून घेतले, आणि त्यांना बुक बाईंडर ला बोलावून त्याच्याकडून पक्के बाईंडिंग करून घेतले, आणि प्रत्येक फाइलवर त्या त्या सेरीजचे नाव आणि वर्ष सुवाच्च अक्षरात टाकून, त्या सर्व फाइल्स क्रमाने लावून ठेवल्या होत्या. त्यामुळे आम्हाला जुन्या कुठल्याही सर्क्युलर चा संदर्भ पाहिजे असेल तेंव्हा सुभाष व्यवहारे ते सर्क्युलर लगेच काढून देत. त्यामुळे इतर कुठल्या ब्रांचलाही, इतकेच नव्हे, तर कधी कधी रिजन ऑफिस ला ही एखादा जुना संदर्भ पाहिजे असेल, तर ते आमच्या ब्रांच ला फोन करत, कारण सुभाष व्यवहारे ते पटकन काढून देतील याविषयी त्यांना खात्री असे. तसेच रोज लागणारे वेगवेगळे फॉर्म्सही सुभाष यांनी अगदी व्यवस्थित लावून ठेवलेले असत. त्यामुळे फॉर्म शोधण्यात वेळ जात नसे.

अव्यवस्थितपणा त्यांना अजिबात खपत नसे. आपल्या कामाबद्दल त्यांना रास्त अभिमान होता, आणि हे सर्व काम व्यवस्थित करण्यास कितीही उशिरापर्यन्त थांबावे लागले, तरी त्यांची तयारी असे. या त्यांच्या गुणामुळे, मला, पाथरीला असतांना याबाबतीत खूप मदत झाली.

नंतर 2010 ते 2015 मी जेंव्हा ट्रेनिंग सेंटरला होतो, तेंव्हा, आम्ही मधून मधून subordinate staff साठी ट्रेनिंग प्रोग्राम घ्यायचो. तेंव्हा काही प्रोग्राम्स मध्ये मी मुद्दाम सुभाष व्यवहारे यांना बोलावून, एक पूर्ण सेशन, रेकॉर्ड कसे नीट ठेवावे, या विषयी त्यांच्याकडून प्रात्यक्षिक दाखवून घेत असे, त्यावेळी ते योगा योगाने, औरंगाबादच्याच एका ब्रांचला होते. ते त्यांच्या सोबत, काही फाइली घेऊन येत आणि त्यांनी तेथील ब्रांचचे व्हाऊचर्स कसे stitch केले आहेत फाइली कशा प्रकारे ठेवल्या आहेत, या विषयी सविस्तर सांगत. अशा प्रकारे मी ज्यांच्या सोबत काम केले, त्यापैकी सुभाष व्यवहारे हे व्यक्तिमत्व एक सभ्य, सुसंस्कृत, कामाप्रति अढळ निष्ठा असणारे व्यक्तिमत्व हे माझ्या कायम लक्षात राहिले आहे.

श्री पी. एम. बुरांडे

श्री पी. एम. बुरांडे(प्रभाकर बुरांडे) हे व्यक्तिमत्व सुद्धा, बऱ्याच अंशी श्री सुभाष व्यवहारे यांच्या सारखेच होते. वरील सर्व गुण हे त्यांच्यातही अगदी जसेच्या तसे होते म्हटले तरी चालेल. 1998 ते 2001 मधील अडीच वर्षांच्या काळात मी औरंगाबाद येथील स्टेशन रोड ब्रांचला होतो. त्यावेळी तिथे श्री बुरांडे हे दफ्तरी होते. बुरांडे हे नेहमी हसतमुख असत. आणि आपण एखादेवेळी त्यांच्यावर रागावलो तरी ते शांतपणे, समजावून सांगून, समोरच्याचा राग शांत करत. ही गोष्ट भल्या भल्यांना जमत नाही. पण स्थितप्रज्ञता हा बुरांडे यांचा अंगभूत गुण होता. मी कधीही त्यांना रागावलेले किंवा कोणाशी तावातावाने भांडतांना पाहिले नाही. श्री बुरांडे यांनीही तेथील रेकॉर्ड अत्यंत व्यवस्थित ठेवले होते. आणि कोणताही फॉर्म किंवा रेकॉर्ड पाहिजे असल्यास ते पटकन काढून देण्याची त्यांची हातोटी होती. बुरांडे एक चांगले कलाकार सुद्धा होते, आणि रांगोळी काढण्याची कला ही त्यांना अवगत होती.

श्री बुरांडे हे अभ्यासू व मेहनती असल्यामुळे थोडेच दिवसांत त्यांचे प्रमोशन होऊन ते क्लरिकल केडऱ मध्ये आले, आणि नंतर प्रमोशन होऊन हेड कॅशियर पर्यन्त त्यांची पदोन्नती झाली.

आता तर निवृत्तीनंतर त्यांनी त्यांचा बागकामाचा छंद इतका उत्कृष्टपणे जपला आहे, की आता पूर्ण संभाजीनगर (औरंगाबाद) मधून खूप लोक त्यांच्या बागेला आणि कचऱ्यातून कला निर्माण करण्याच्या कार्याला पाहायला येतात. बँकेतील लोक तर त्यांचे कौतुक करतातच, पण आता त्यांच्या कार्याची प्रसिद्धी आसपासच्या सर्व परिसरात झाली आहे, आणि त्याबद्दल काही वृत्तपत्रांमध्येही लिहून आले आहे. त्यांना त्यांच्या बागकामासाठी, आणि टाकाऊतून टिकाऊ निर्माण करण्याच्या कार्यासाठी बरीच परितोषकेही मिळाली आहेत. नुकतेच त्यांना इको ग्रीन फाउंडेशन औरंगाबाद यांच्या तर्फे विशेष उल्लेखनीय बागेसाठीचे पारितोषिक देऊन गौरवीत करण्यात आले. हल्लीच त्यांनी काही प्रदर्शनेही भरवली होती. निवृत्तीनंतरचे आयुष्य कसे जगावे याचे एक उत्कृष्ट उदाहरण म्हणजे श्री बुरांडे होत.

माझ्या वरील दोन सहकाऱ्यांचे काम, त्यांचा स्वभाव, कामाप्रति त्यांची निष्ठा, या गोष्टींचा माझ्यावर खूप प्रभाव पडला आहे.

Link to Learning journey-1

Link to Learning journey-2

Link to Learning journey-3

नाचू कीर्तनाचे रंगी

स्टेट बँक ऑफ हैदराबाद मधून मुख्य व्यवस्थापक म्हणून निवृत्त झालेले श्री भुजंग संगारेड्डीकर हे एक बहुरंगी आणि बहुढंगी व्यक्तिमत्त्व आहे. बँकेत असतांनाची त्यांची लोकप्रियता आजही तितकीच टिकून आहे. बँकेत असतांना त्यांच्या creative स्वभावामुळे, त्यांनी अनेक प्रयोग यशस्वीपणे राबवले. आणि computerization च्या वेळी आणि नंतर त्यांचा एक मार्गदर्शक आणि trouble shooter म्हणून खूप लौकिक झाला.

आजही त्यांचे निरनिराळे उपक्रम चालू असतात.

त्यांच्या पत्नी सौ. जयश्री संगारेड्डीकर यांचीही त्यांना त्यांच्या सर्व उपक्रमात अगदी पूर्णपणे साथ असते.

निवृत्तीनंतर, अध्यात्माकडे ओढा असल्याने, त्या बाबतीतील उपक्रमात त्यांचा दोघांचाही सक्रिय सहभाग असतो.

स्टेट बँक ऑफ हैदराबाद मधील निवृत्त कर्मचारी दर वर्षी आषाढी एकादशीच्या वारीत सहभागी होतात. आणि विठूरायाच्या भक्तीत रंगून जातात.

या वर्षीच्या वारीत संगारेड्डीकर उभयता पती पत्नींनी मिळून वारीत बहारदार कीर्तन सादर केले.

त्या कीर्तनाचा काही अंश आपल्या “असीम आनंद” या यू ट्यूब चॅनेल वर टाकला आहे.

तो या ठिकाणी सादर आहे.

आपणास व्हिडिओ आवडला असल्यास like करा आणि youtube चॅनेल “असीम आनंद” नक्की subscibe करा.

तसेंच goodworld.in या आपल्या ब्लॉग ला subcribe करा.

तसेंच ब्लॉग इतरांसोबत share करा.

सांभाजीनगरातील बिबट्या पुराण Leopard in Sambhajinagar

Guest article by vaidya Sohan Pathak

संभाजी नगरातील बिबट्याचे पुराण!

अहो काय वैताग! गेले तीन दिवस संभाजीनगरच्या सो कॉल्ड कोथरूडमध्ये म्हणजेच उल्कनगरीमध्ये बिबट्या सदृश्य प्राण्याने अक्षरशः थैमान घातले आहे.

वनविभागाचे कर्मचारी सोडून बाकी तमाम जनतेला त्या अजब प्राण्याने सीसीटीव्हीतून दर्शन दिले आहे. कदाचित त्या बिबट्याचा मागचा जन्म कॅमेरा समोर वावरणाऱ्या एखाद्या सराईत कलाकाराचा असावा. या बिबट्याच्या भीतीपोटी मात्र आधीचेच सहनशील संभाजीनगर कर अजूनच त्रस्त झाले आहेत पण महानगरपालिकेचे कर्मचारी मात्र पाण्याची चर्चा दुसरीकडे वळाली म्हणून खूप आनंदी झाले आहेत असे नाव न जाहीर करण्याच्या अटीवर एका मनपा कर्मचाऱ्याने सांगितले.

बऱ्याच ऑर्थोपेडिक सर्जन कडे-अचानक वर कुठे बिबट्या झाडावर बसलेला आहे का या चिंतेपोटी वर बघून चालण्यामुळे, धपकन रस्त्यात, खड्ड्यात ,पाण्यात पडल्यामुळे जखमी झालेले बिचारे संभाजीनगर कर चकरा मारत आहे असेही कळाले .

अचानक मफलर च्या विक्रीत वाढ झाल्याचे सुद्धा कळाले, कारण बिबट्याने आपल्या गळ्याला धरल्यावर, त्याचे दात लागू नये म्हणून काहीतरी आवरण हवे म्हणून बरेच जण मफलर घालून फिरत आहेत! दिवसभर बिबट्याच्या चर्चा ऐकून रात्री स्वप्नात सुद्धा बिबट्या आल्यामुळे झोपेत बेड वरून खाली पडणे, तसेच जोरात ओरडणे, व नवरा बायकोने एकमेकाला बिबट्या समजून हाणामारी करणे अशा अनेक घटना सुद्धा होत आहेत!

बायकोच्या बडबडीला कंटाळून संध्याकाळी, रात्री “जरा बाहेर चक्कर मारून येतो” असे म्हणून बाहेर पडणारे बिचारे पुरुष सध्या बिबट्या पेक्षा बायको बरी! म्हणून घरीच श्रवणीय आनंद घेत आहेत.

आता निवडणुका ,मॅचेस सगळं काही संपल्यामुळे तरुण वर्गाला सुद्धा बिबट्याची चर्चा करत अनेक जणांशी, जणींशी जवळीक साधता येत आहे. जनरल प्रॅक्टिशनर मात्र या बिबट्यामुळे जरा नाराज आहेत. कारण या बिबट्याच्या भीतीपोटी अनेक जणांचा कॉन्स्टिपेशन चा त्रास आपोआपच बरा झाला आहे त्यामुळे त्या औषधासाठी येणारे रुग्ण खूप कमी झाले आहेत.

आजोबा मंडळी जंगलातले प्राणी आता शहरात यायला लागले म्हणजे आता कलियुगाचा अंत आला ,काहीतरी भयंकर होणार अशा चिंता करत संध्याकाळी कट्ट्यावर भेटण्याचे ऐवजी एकमेकाना ज्येष्ठ नागरिकांच्या व्हाट्सअप ग्रुप वरून कॉल करून संपर्क करत आहेत.

या बिबट्याच्या निमित्ताने आमच्या काळात तर… असे म्हणत किती वाघ पाहिले किती जंगली प्राणी पाहिले अशी पण चर्चा करत मनाचे समाधान करताना दिसत आहेत. अचानक शाळेला सुट्टी मिळाल्यामुळे मुलं-मुली आनंदातच आहेत त्यांच्या घरातल्या दंग्यामुळे आयांना येणाऱ्या रागामुळे बहुदा बिबट्या शहरातून पळून गेल्याची पण शक्यता नाकारता येत नाही.

हा बिबट्या पण खूप हुशार दिसतोय सगळ्या सीसीटीव्ही कॅमेर्यात व्यवस्थित पोज देत आहे यामुळे अफवा पसरवणाऱ्यांना दहा-दहा वर्षाचे जुने बिबट्यांचे व्हिडिओ सुद्धा प्रसारमाध्यमात पसरवायला भरपूर वाव मिळत आहे. मला तर वाटते की या सगळ्या प्रकाराला कंटाळून वनविभागाच्या पिंजऱ्यांमध्ये बिबट्या स्वतःहूनच येऊन बसेल आणि संभाजीनगर कर सुटकेचा श्वास घेऊन कुठे जलवाहिनी फुटली याची चर्चा करत बसतील.

मी सो…पा…

May be an image of cheetah, big cat and snow leopard

बिबट्या कुठे आढळून आल्यास टोल फ्री नंबर 1926

24*7 नंबर- 95792 71552

सदरील लेख हा छ. संभाजीनगर येथील प्रथितयश आयुर्वेदिक चिकित्सक आणि समुपदेशक वैद्य सोहन पाठक यांच्या फेसबुक पोस्ट वरून त्यांच्या परवानगीने साभार घेतला आहे.

Buy Kudej Desi Hallikar Cow A2 Ghee, Healthy and traditional aroma, Best for kids

30% off on 500 ml. bottle on Amazon. Offer for limited period only.

For readers in USA- visit our Amazon Link below to shop for Amazing kids toys and much more. You can shop for other requirements also through this link.

Amazing joy Riding toys

Law of the seed

Motivational- The Law of the Seed

Like this: